Տղաները մինչև վերջ աշխատեցին ու վաստակեցինք մեր 1-ին միավորը․ Արսեն Հովհաննիսյանը՝ Փյունիկի դեմ խաղից հետո (տեսանյութ)
Fastex Պրեմիեր լիգայի 2-րդ տուրի «Շիրակ»-«Փյունիկ» խաղից հետո Գյումրին ներկայացնող ակումբի գլխավոր մարզիչ Արսեն Հովհաննիսյանը խոսել է խաղին մասին․
«Շատ բարդ խաղ ստացվեց։ Երկկողմանի լավ ֆուտբոլ էր։ Ճիշտ է, գոլեր չկային, բայց հետաքրքիր խաղ էր։ Կարող էինք և՛ հաղթել, և՛ պարտվել։ Տղաները մինչև վերջ աշխատեցին, ամեն ինչ դրեցին ու 1-ին միավորը վերցրեցինք։
Հովհաննես Փահլևանյանի մասին, որն 1-ին անգամ էր «Շիրակի» մեկնարկային կազմում․
«Փահլևանյանն աջլիկ ֆուտբոլիստ է, բայց խաղում էր ձախ թևում։ Իր 1-ին խաղն էր, շատ գոհ եմ իր խաղից, տպավորիչ ֆուտբոլ խաղաց։ Ընդհանուր բոլորից եմ գոհ, նաև փոխարինման մտած ֆուտբոլիստներից։ Մեծ հաշվով 20-21 տարեկան մեր դպրոցի սաներն են։ Ընդհանուր բոլորի մասին կարող եմ ասել նույնը», - նշել է Հովհաննիսյանը։
