Մենք հավատով ու հույսով կմտնենք դաշտ և կպայքարենք հաղթանակի համար․ Կարեն Մուրադյան

Կոնֆերենցիաների լիգայի որակավորման 3-րդ փուլի «Արարատ-Արմենիա»-«Սպարտա Պրահա» դիմակայության 2-րդ խաղից առաջ տեղի է ունեցել թիմի կիսապաշտպան Կարեն Մուրադյանի ու գլխավոր մարզիչ Մանուել Տուլիպայի նախախաղային ասուլիս․

«Մարտական ենք տրամադրված։ Վաղը դուրս ենք գալու դաշտ հաղթանակի համար։ Մեր թիմը լավ մարզավիճակում է ու լավ պատրաստվել է վաղվա խաղին։ Իմ վիճակը գնահատում եմ լավ։ Դեռ ավելացնելու տեղ ունեմ։ Խաղից խաղ կփորձեմ ավելացնել։

Բոլորս էլ հասկանում ենք, որ դժվար է, հաշիվն է այդպիսին։ Մրցակիցն էլ ուժեղ է, բայց մենք հավատում ենք, որ ամեն ինչ կարող է լինել։ Ֆուտբոլը անկանխատեսելի է, չենք կարող ասել, թե ինչ կլինի։ Մենք հավատով ու հույսով կմտնենք դաշտ, կպայքարենք հաղթանակի համար, իսկ թե ինչ կստացվի՝ կտեսնենք վաղը»,-նշել է Մուրադյանը։

Թիմերի միջև 1-ին խաղն ավարտվել էր չեխական թիմի հաղթանակով՝ 4։1 հաշվով։

Հիշեցնենք, որ «Արարատ-Արմենիա»-«Սպարտա Պրահա» հանդիպումը կկայանա օգոստոսի 14-ին՝ Ավանի ֆուտբոլի ակադեմիայում և կմեկնարկի 20։00-ին։