Սպերցյանը Եվրոպայում կկրկնի Զախարյանի ուղին. Սպարտակի նախկին նախագահ

«Սպարտակի» նախկին նախագահ Անդրեյ Չերվիչենկոն խոսել է «Կրասնոդարի» և Հայաստանի հավաքականի կիսապաշտպան Էդուարդ Սպերցյանի՝ անգլիական «Սաութհեմփթոն» հնարավոր տեղափոխության մասին։

«Յուրաքանչյուրն ինքն է տնօրինում իր ճակատագիրը։ Գուցե նրան դուր է գալիս որևէ անգլիական գյուղում ապրելու գաղափարը։ Անձամբ ես չեմ սիրում Անգլիան, հատկապես նրա նահանգները։ Նույն Կուզյաևը գնաց Հավր՝ նավահանգստային քաղաքում ապրելու։ Բոլորն ընտրում են իրենց ճաշակով։ Գուցե Սպերցյանը կարծում է, որ այնտեղ ամեն ինչ կատարյալ է, քանի որ նա այնտեղ շատ չի եղել։ Բայց նա, հավանաբար, հիասթափված կլինի, և մեկ տարի անց կփնտրի վարձակալությամբ մեկ այլ թիմ տեղափոխվելու տարբերակ, ինչպես հիմա անում է Չալովը։ Իմ կարծիքով, Սպերցյանի ուղին Եվրոպայում նման կլինի Զախարյանի, Միրանչուկի և Չալովի ուղուն, և ոչ թե Գոլովինի ուղուն», - Չերվիչենկոյի խոսքերն է մեջբերում «Չեմպիոնատը»։