Սուսաննա Գաբոյանը՝ Հունաստանի միջազգային մրցաշարի լավագույն կին շախմատիստ
Հունաստանի Սալոնիկ քաղաքում ավարտվել է «7th SKG Open» շախմատի միջազգային մրցաշարը։
Մրցաշարի Ա խմբում լավագույն կին մասնակից է ճանաչվել կանանց միջազգային վարպետ Սուսաննա Գաբոյանը, որը 9 հնարավորից վաստակել է 5 միավոր:
Նույն խմբում պատանի շախմատիստներ Արեն Մնացականյանը և Ալեքսանդր Ավանեսյանը վաստակել են համապատասխանաբար 5.5 և 5 միավոր: Ալեքսանդրը 115.6 կետով բարելավել է իր միջազգային վարկանիշը:
Մրցաշարի Դ խմբում Վիմլա Մահեշվարին վաստակել է 4 միավոր և զբաղեցրել է 7-րդ հորիզոնականը։
