Էլինա Ավանեսյանը պարտվել է Դուբայի մրցաշարի առաջին շրջանում
Հայ թենիսիստուհի, աշխարհի 44-րդ ռակետ Էլինա Ավանեսյանը պարտությամբ է մեկնարկել Դուբայում ընթացող WTA-1000 կարգի մրցաշարում՝ առաջին շրջանում զիջելով Ռուսաստանի 17-ամյա ներկայացուցիչ Միրա Անդրեևային:
Էլինան 2:6, 1:6 հաշվով զիջել է աշխարհի 14-րդ ռակետին: Հանդիպումը 1 ժամ է տևել:
Նշենք՝ կանանց թենիսի ասոցիացիան (WTA) ավելի վաղ հրապարակել էր մենախաղի վարկանիշային աղյուսակի թարմացված տարբերակը։ Հայաստանի ներկայացուցիչ Էլինա Ավանեսյանը բարձրացել է 4 կետով և այժմ զբաղեցնում է 44-րդ հորիզոնականը:
