Կազինցբարցիկան ձեռքից բաց թողեց հաղթանակը․ Հարոյանը մասնակցեց ամբողջ հանդիպմանը

Հունգարիայի առաջնության 4-րդ տուրում ԴՎՏԿ-ն ընդունել էր «Կազինցբարցիկային»։ Հանդիպումն ավարտվեց 2։2 հաշվով։

3-րդ րոպեին Բենցե Սոսի հարվածը հետ մղեց ԴՎՏԿ-ի դարպասապահը։ 16-րդ րոպեին Նիմրոդ Բարանյան բացեց հաշիվը, իսկ դրանից 2 րոպե անց Մեշակ Ուբոչիոման մեծացրեց «Կազինցբարցիկայի» առավելությունը։

74-րդ րոպեին Բենցե Բաբոսը կրճատեց հաշվի տարբերությունը, իսկ հիմնական ժամանակին ավելացրած 5-րդ րոպեին Իվան Շապոնիչը 1 միավոր փրկեց իր թիմի համար։ 

Հայաստանի ազգային հավաքականի նախկին ավագ Վարազդատ Հարոյանն ընդգրկված էր հյուրերի մեկնարկային կազմում ու մասնակցեց ամբողջ հանդիպմանը։ Հիմնական ժամանակին ավելացրած 4-րդ րոպեին Հարոյանը զգուշացվեց դեղին քարտով։

Այս հանդիպումից հետո Հարոյանի թիմը 1 միավորով եզրափակում է մրցաշարային աղյուսակը։ Հաջորդ տուրում «Կազինցբարցիկայի» մրցակիցը «Դյորն» է։