Ըմբշամարտի Մ20 ԱԱ. Արման Մուսիկյանը կպայքարի բրոնզե մեդալի համար
Բուլղարիայի Սամոկով քաղաքում ընթացող ըմբշամարտի Մ20 տարեկանների աշխարհի առաջնությունում Հայաստանի ներկայացուցիչ, 65 կգ քաշային ազատ ոճի ըմբիշ Արման Մուսիկյանը հաղթել է սփոփիչ գոտեմարտում և բրոնզե մեդալի համար կպայքարի ուկրաինացի Բորոհանի հետ:
79 կգ քաշային Նարեկ Նիկողոսյանը վնասվածքի պատճառով չի մասնակցել սփոփիչ գոտեմարտին:
Արման Հարությունյանը (57 կգ) և Նարեկ Իկիլիկյանը (92 կգ) դուրս են մնացել մեդալների համար պայքարից։
Օգոստոսի 19-ին պայքարի մեջ են մտել նաև 61 կգ Սարգիս Բեգոյանն ու 86 կգ Ռազմիկ Եփրեմյանը։
