Ցրվենա Զվեզդան անակնկալ պարտություն կրեց․ Տիկնիզյանը մասնակցեց ամբողջ հանդիպմանը

Չեմպիոնների լիգայի փլեյ-օֆֆի 1-ին խաղում «Ցրվենա Զվեզդան» ընդունել էր «Պաֆոսին» ու զիջեց 1։2 հաշվով։

Հանդիպման հաշիվը 1-ին րոպեին բացեց Ժոաու Կորեիան, 52-րդ րոպեին Պեպեն, դիպուկ իրացնելով 11-մետրանոցը, մեծացրեց «Պաֆոսի» առավելությունը։

58-րդ րոպեին 11-մետրանոցի իրավունք ստացավ «Ցրվենա Զվեզդան»։ Բրունո Դուարտեի հարվածը հետ մղեց կիպրական թիմի դարպասապահը, սակայն Դուարտեն, 2-րդ փորձից կարողացավ կրճատել հաշվի տարբերությունը։

Հայաստանի ազգային հավաքականի պաշտպան Նաիր Տիկնիզյանն ընդգրկված էր տանտերերի մեկնարկային կազմում և մասնակցեց ամբողջ հանդիպմանը։

Թիմերի միջև պատասխան հանդիպումը տեղի կունենա օգոստոսի 26-ին՝ Լիմասոլում։

Հիշեցնենք, որ այս դիմակայության հաղթողը կորակավորվի Չեմպիոնների լիգայի լիգայի փուլին, իսկ պարտվողը մրցելույթները կշարունակի Եվրոպա լիգայի լիգայի փուլում։