Հայաստանի հունահռոմեական ոճի ըմբշամարտի երիտասարդական հավաքականի անդամ, 60 կգ քաշային Յուրիկ Մխիթարյանը Բուլղարիայում ընթացող մինչև 20 տարեկանների աշխարհի առաջնությունում դուրս է եկել եզրափակիչ:
Մխիթարյանը պայքարը սկսել է որակավորման փուլից, որտեղ 9:1 հաշվով հաղթանակ է տարել ֆրանսիացի մրցակցի նկատմամբ, ապա առավելության է հասել չիլիացու՝ 8:0, ուկրաինացու՝ 11:2, իրանցու՝ 9:0 նկատմամբ և դուրս է եկել եզրափակիչ:
Ոսկե մեդալի համար հայ ըմբիշը կգոտեմարտի Ադրբեջանի ներկայացուցիչ Այխան Ջավադովի հետ:
Հայաստանի մյուս ներկայացուցիչ, 82 կգ քաշային Մարտիկ Պետրոսյանը, որը պայքարը սկսել է 1/8 եզրափակչից, առավելության է հասել նախ լեհ, ապա իրանցի ըմբիշների նկատմամբ, սակայն կիսաեզրափակչում զիջել է UWW դրոշի ներքո հանդես եկող մրցակցին և պայքարելու է բրոնզե մեդալի համար:
Sportmedia.am-ը սպորտային մեդիա հարթակ է, որտեղ ներկայացվում են հայկական և միջազգային սպորտի ամենակարևոր և ամենաքննարկվող իրադարձությունները։ Մենք տրամադրում ենք արագ ու վստահելի լուրեր, վերլուծություններ, հարցազրույցներ և հեղինակային բովանդակություն՝ տարբեր մարզաձևերից։
Բոլոր իրավունքները պաշտպանված են։ Մեջբերումներ կատարելիս Sportmedia.am-ին ակտիվ հղումը պարտադիր է։
Կայքը պատասխանատվություն չի կրում գովազդային նյութերի բովանդակության համար։
Կայքը պատրաստված է orf.armenyan -ի կողմից։
