Ըմբշամարտի Մ20 ԱԱ․ Յուրիկ Մխիթարյանը՝ արծաթե մեդալակիր, Մարտիկ Գասպարյանը մնաց առանց մեդալ

Բուլղարիայում ընթացող ըմբշամարտի Մ20 տարեկանների աշխարհի առաջնությունում Հայաստանի ներկայացուցիչ, 60 կգ քաշային Յուրիկ Մխիթարյանը եզրափակչում 5։12 հաշվով զիջեց ադրբեջանցի ըմբիշին՝ նվաճելով արծաթե մեդալ։

Մինչ եզրափակիչ հասնելը Մխիթարյանը, նախ, որակավորման փուլում 9։1 հաշվով հաղթել էր ֆրանսիացի ըմբիշին, ապա 1/8-ում 8։0 հաշվով ջախջախել էր Չիլիի ներկայացուցչին, իսկ քառորդ եզրափակչում 11։2 հաշվով պայքարից դուրս էր թողել ուկրաինացի ըմբիշին։

Կիսաեզրափակիչում հայ ըմբիշը 9։0 հաշվով առավելության հասավ հնդիկ մրցակցի նկատմամբ։

82 կգ քաշային Մարտիկ Գասպարյանն էլ պայքարը սկսեց 1/8-ից, որտեղ 8։0 հաշվով հաղթելով լեհ մրցակցին՝ քառորդ եզրափակչում 7։3 հաշվով առավելության հասավ Իրանի ներկայացուցչին։ Կիսաեզրափակչում Գասպարյանը 0։9 հաշվով զիջել էր UWW-ի դրոշի ներքո հանդես եկող Միխաիլ Շկարինին։

Բրոնզե մեդալի համար պայքարում էլ հայ ըմբիշը 0։8 հաշվով զիջեց Ուզբեկստանի ներկայացուցչին։

Հիշեցնենք, որ վաղը ոսկե մեդալի համար է պայքարելու նաև Գասպար Տերտերյանը։