Ըմբշամարտի Մ20 ԱԱ․ Գասպար Տերտերյանը դուրս է եկել եզրափակիչ

Բուլղարիայում ընթացող ըմբշամարտի Մ20 տարեկանների աշխարհի առաջնությունում Հայաստանի ներկայացուցիչ, 72 կգ քաշային Գասպար Տերտերյանը դուրս է եկել եզրափակիչ:

Նա 4 տպավորիչ հաղթանակ է տարել։ Նախ, 6:2 հաշվով հաղթելով ադրբեջանցի մրցակցին, այնուհետև 3:1 հաշվով՝ Ասիայի Մ20 չեմպիոն ղազախ մրցակցին, իսկ 1/4-ում վստահ առավելության է հասել Բուլղարիայի ներկայացուցչի նկատմամբ: Կիսաեզրափակչում հայ ըմբիշը 5։1 հաշվով առավելության հասավ հույն ըմբիշի նկատմամբ։

Եզրափակչում Տերտերյանի մրցակիցը Ուզբեկստանի ներկայացուցիչ, Ասիայի Մ20 չեմպիոն, Ահմադ Կոդիրովն է։

Հիշեցնենք, որ այսօր Յուրիկ Մխիթարյանը նվաճեց արծաթե մեդալ, իսկ իսկ Մարտիկ Գասպարյանը զիջեց բրոնզե մեդալի համար պայքարում։