Փիլոյանի գոլի շնորհիվ Ալաշկերտը հաղթեց Ուրարտուին

Fastex Պրեմիեր լիգայի 4-րդ տուրում «Ալաշկերտն» հյուրընկալվել էր «Ուրարտուին» ու հաղթեց նվազագույն հաշվով։

Հանդիպման միակ գոլը հեղինակեց Էդգար Փիլոյանը՝ 58-րդ րոպեին։

Այս հաղթանակից հետո Վահե Գևորգյանի գլխավորած թիմը, անցկացրած 3 հանդիպումից հետո, 6 միավորով 4-րդ տեղում է։ «Ուրարտուն», որը անցկացրել է բոլոր հանդիպումները, 7 միավորով 2-րդ հորիզոնականում է։

Հիշեցնենք, որ տուրի մեկնարկային խաղում «Փյունիկը» 2։0 հաշվով հաղթել էր «Արարատին»։ Վաղը կկայանա ԲԿՄԱ-«Գանձասար», օգոստոսի 24-ին՝ «Շիրակ»-«Արարատ-Արմենիա» հանդիպումները։ «Նոա»-«Վան» հանդիպումը հետաձգվել է։