Պարտվել ենք, բայց խաղը ցույց տվեց, որ ճիշտ ճանապարհին ենք․ Արսեն Հովհաննիսյանը՝ Արարատ-Արմենիայի դեմ խաղից հետո (տեսանյութ)

Fastex Պրեմիեր լիգայի 4-րդ տուրի «Շիրակ»-«Արարատ-Արմենիա» (0։1) հանդիպումից հետո, Գյումրին ներկայացնող ակումբի գլխավոր մարզիչ Արսեն Հովհաննիսյանը խոսել է խաղի մասին․

«Ուժեղ մրցակցի հետ լավ ֆուտբոլ խաղացինք։ Ամբողջ խաղի ընթացքում լարված էինք։ Կարող էինք և՛ գոլ խփել, և՛ բաց թողնել։ Վերջում չիրացրինք մեր պահն ու պատժվեցինք՝ ֆուտբոլի դաժան օրենքն է։ Երկակի զգացողություն է, պարտվել ենք, բայց սառն ենք դատում ու մտածում ենք, թե ինչ ճանապարհ ենք բռնել ու այդ ճանապարհին ինչքան մոտ ենք, այդ զգացողությունը մեզ հույս ու հավատ է տալիս, որ նույն սկզբունքով շարունակենք։ Այսօր նորամուտը նշեց Գագիկ Հովհաննեսյանը, Վազգեն Սարգսյանը մեկնարկայինում էր։ Մեր ֆուտբոլիստներով, մեր դպրոցի սաներով։ Մենք իրենց հավատացել ենք, հավատում ենք, իսկ այսօրվա խաղը ցույց տվեց, որ ճիշտ ճանապարհին ենք։ Բարդ է թիմին այս իրավիճակից հանելը, բայց մենք մարզիչներով ամեն ինչ կանենք։ Պետք է արագ մոռանալ ու պատրաստվել մյուս հանդիպմանը», - նշել է մասնագետը։

Հիշեցնենք, որ հանդիպման միակ գոլը հեղինակել էր Արայիկ Էլոյանը՝ հիմնական ժամանակին ավելացրած 9-րդ րոպեին։