Օսիյեկը պարտվեց Հայդուկին․ Ստյոպա Մկրտչյանն իր թիմում արժանացավ լավագույն գնահատականին

Խորվաթիայի առաջնության 4-րդ տուրում «Օսիյեկն» ընդունել էր «Հայդուկին» ու զիջեց 0։2 հաշվով։

Հայաստանի ազգային հավաքականի պաշտպան Ստյոպա Մկրտչյանն ընդգրկված էր իր թիմի մեկնարկային կազմում ու մասնակցեց ամբողջ հանդիպմանը։

Հայ պաշտպանն արժանացավ 7,2 գնահատականի, որը լավագույնն էր «Օսիյեկի» ֆուտբոլիստների շրջանում։

Անցկացրած 4 խաղից հետո Մկրտչյանի թիմը 2 միավորով եզրափակում է մրցաշարային աղյուսակը։
 
Հաջորդ տուրում «Օսիյեկի» մրցակիցը «Լոկոմոտիվան» է։