Խոստացան օգնել, բայց վիրահատությանս ամբողջ գումարը ես վճարեցի. Ուրարտուի նախկին ֆուտբոլիստի հայտարարությունը

«Ուրարտուի» նախկին հարձակվող Ալեքսանդր Դոլգովը «СЭ»-ին պատմել է իր առողջական վիճակի մասին.

- Ինչո՞ւ մրցաշրջանի սկզբում մնացիր առանց թիմի:

-«Ուրարտուում» մարզումների ժամանակ վնասվածք ստացա. Խաչաձև կապանի առաջին վիրահատությունը լիովին հաջող չէր, ես անընդհատ անհարմարություն էի զգում ծնկի հատվածում, ստիպված եղա նորից վիրահատվել: Ակումբի հետ պայմանագիրս ուժի մեջ էր մինչև մայիսի վերջ։ Ես գնացի վիրահատվելու և ապաքինվելու։

- Ուրարտուն օգնե՞լ է բուժման հարցում:

- Ոչ: Խոստացել էին օգնել, բայց չգիտեմ՝ ինչ պատճառով, ինքս եմ արել վիրահատությունն ու ամբողջ վերականգնումը, ամեն ինչի համար ինքս եմ վճարել։ Սա այն իրավիճակն է, որը ստեղծվել է, բայց ես ոչ մեկի մասին վատ բան չեմ ուզում ասել: Հետո ավարտվեց պայմանագիրս ակումբի հետ, և ես ինքնուրույն շարունակեցի վերականգնումը վերականգնողական մասնագետի մոտ։

Հիշեցնենք՝ երևանյան ակումբը 2024 թվականի հունիսին հայտարարեց Դոլգովի հեռանալու մասին: Ռուս ֆուտբոլիստը «Ուրարտուի» հետ պայմանագիր էր կնքել 2024 թ. փետրվարին և 7 խաղում դարձել էր 1 գոլի ու 1 գոլային փոխանցման հեղինակ։