Ինտերը ջախջախեց Տորինոյին․ Մխիթարյանը մասնակցեց խաղին

Իտալիայի առաջնության մեկնարկային տուրում «Ինտերն» ընդունել էր «Տորինոյին» ու հաղթեց 5։0 հաշվով։

Տանտերերի կազմում աչքի ընկան Ալեսանդրո Բաստոնին (18'), Մարկուս Թյուրամը (36', 62'), Լաուտարո Մարտինեսը (52'), Անժ-Յոան Բոնին (72').

Հայաստանի ազգային հավաքականի լավագույն ռմբարկու Հենրիխ Մխիթարյանն ընդգրկված էր «Ինտերի» մեկնարկային կազմում ու փոխարինվեց 79-րդ րոպեին։

Հաջորդ տուրում «Ինտերի» մրցակիցը «Ուդինեզեն» է։