Հայաստանի լրագրողների հավաքականը նվաճել է հերթական տիտղոսը

Հայաստանի լրագրողների ֆուտբոլի հավաքականը դարձել է ASL (Armenian Stars League) սիրողական մրցաշարի հաղթող։

Շրջանաձև ձևաչափով անցկացված մրցաշարում լրագրողների թիմը 23 խաղում վաստակել է 56 միավոր և գրավել առաջին տեղը` չեմպիոնությունն ապահովելով վերջին տուրում 11:0 հաշվով տարած վստահ հաղթանակի արդյունքում։

Մրցաշարի լավագույն ռմբարկու է ճանաչվել Հայաստանի լրագրողների հավաքականի հարձակվող Դավիթ Եղիազարյանը, որը դարձել է 27 գոլի հեղինակ։

Տեսանյութը՝ ԱՅՍՏԵՂ:

Հայաստանի լրագրողների ֆուտբոլի հավաքականը պատրաստվում է Լիտվայում սեպտեմբերի 12-13-ին կայանալիք լրագրողների միջազգային մրցաշարին, որը կանցկացվի 20-րդ անգամ։

Հայ լրագրողներն այդ մրցաշարի եռակի չեմպիոն ու բազմակի մրցանակակիր են։