Սևիկյանը կարիերան կարող է շարունակել Չեմպիոնշիփում

«Ֆերենցվարոշի» և Հայաստանի հավաքականի կիսապաշտպան Էդգար Սևիկյանը կարիերան կարող է շարունակել Անգլիայում:

Legalbet-ի տվյալներով՝ 24-ամյա խաղացողի նկատմամբ հետաքրքրություն է ցուցաբերում «Բլեքբըրնը», որը հանդես է գալիս Չեմպիոնշիփում:

Հունգարական ակումբը պատրաստ է բաժանվել խաղացողից չորս միլիոն եվրոյի դիմաց: Ֆուտբոլիստն ինքը հույս ունի տարեկան 600 հազար եվրո աշխատավարձի:

Անցյալ մրցաշրջանում Սևիկյանը ՌՊԼ-ում վարձավճարով խաղացել է «Լոկոմոտիվում», իսկ նախկինում պաշտպանել է «Պարի ՆՆ»-ի գույները: