Բիչախչյանի գոլը, անսպասելի շրջադարձն ու փրկությունը՝ ֆիասկոյից․ Լեգիան ԿԼ-ի հիմնական փուլում է (տեսանյութ)

Կոնֆերենցիաների լիգայի որակավորման փլեյ-օֆֆում «Լեգիան» ընդունել էր «Հիբերնիանին»։

Հանդիպման հաշիվը բացեց Հայաստանի ազգային հավաքականի կիսապաշտպան Վահան Բիչախչյանը՝ 13-րդ րոպեին։ Տեսանյութը՝ այստեղ։ 

Բիչախչյանն ընդգրկված էր իր թիմի կազմում ու փոխարինվեց 79-րդ րոպեին։

Հայ կիսապաշտպանի գոլի շնորհիվ «Լեգիան» դիմակայությունում ստացավ 2 գոլի առավելություն և երբ թվում էր, թե Վարշավան ներկայացնող ակումբն, առանց խնդիրների, որակավորվելու է Կոնֆերենցիաների լիգայի հիմնական փուլին, շոտլանդական ակումբի ֆուտբոլիստները 50, 59 և 61-րդ րոպեներին գրավեցին «Լեգիայի» դարպասը։

Լեհաստանի գավաթակիրը դիմակայության հաշիվը կարողացավ վերականգնել միայն հիմնական ժամանակին ավելացրած 3-րդ րոպեին՝ խաղը տեղափոխելով լրացուցիչ ժամանակ։

98-րդ րոպեին Միլետա Ռայովիչը կարողացավ դիմակայության հաղթական գոլը խփել «Լեգիայի» համար՝ նվիրելով իր ակումբի Կոնֆերենցիաների լիգայի հիմնական փուլի ուղեգիր։