Պուշկաշ Ակադեմիան չհաղթեց․ Գեորգի Հարությունյանը մնաց պահեստայինների նստարանին

Հունգարիայի առաջնության 6-րդ տուրում ԴՎՏԿ-ն ընդունել էր «Պուշկաշ Ակադեմիային»։ Հանդիպումն ավարտվեց 1։1 հաշվով։

Հայաստանի ազգային հավաքականի պաշտպան Գեորգի Հարությունյանն ընդգրկված էր հյուրերի հայտացուցակում, սակայն խաղաժամանակ չստացավ։

Հատկանշական է, որ «Պուշկաշ Ակադեմիայի» գլխավոր մարզիչ Ժոլտ Հոռնյակը կատարեց ընդամենը 2 փոփոխություն՝ 85-րդ րոպեին և հիմնական ժամանակին ավելացրած 1-ին րոպեին։

Այս հանդիպումից հետո «Պուշկաշ Ակադեմիան» 10 միավորով եզրափակում է լավագույն եռյակը։

Հաջորդ տուրում Հարությունյանի թիմը կմրցի «Դյորի» հետ, բայց մինչ այդ հանդիպում կանցկացնի Հունգարիայի գավաթի խաղարկության շրջանակում՝ հյուրընկալվելով ուժեղությամբ 2-րդ դիվիզիոնի ներկայացուցիչ «Վասասին»։