Ալաշկերտը վստահ հաղթանակ տարավ Նոայի նկատմամբ (տեսանյութ)

Fastex Պրեմիեր լիգայի 5-րդ տուրում «Ալաշկերտն» ընդունել էր «Նոային» ու վստահ հաղթանակ տարավ 2։0 հաշվով։

Հանդիպման հաշիվը բացեց Օլավալե Ֆարայոլան՝ 11-րդ րոպեին (տեսանյութ)։ 41-րդ րոպեին, Ֆարայոլայի փոխանցումից, «Ալաշկերտի» հաղթանակն ամրապնդեց Մոմո Ֆանյա Տուրեն (տեսանյութ)։ 

Սա Վահե Գևորգյանի գլխավորած թիմի 3-րդ անընդմեջ հաղթանակն էր «չոր» հաշվով։

Այս հաղթանակից հետո 4 հանդիպում անցկացրած «Ալաշկերտը» 9 միավորով 2-րդ տեղում է։ «Նոան» 6 միավորով 5-րդն է, բայց անցկացրել է 3 հանդիպում։

Հիշեցնենք, որ տուրի մյուս խաղերում «Ուրարտուն» հաղթել էր «Փյունիկին» (2։1), «Արարատ-Արմենիան»՝ «Արարատին» (4։2), իսկ ԲԿՄԱ-«Վան» և «Գանձասար»-«Շիրակ» խաղում գրանցվել էր ոչ-ոքի արդյունք։