10 հոգով մնացած Կրասնոդարը 1 միավոր վաստակեց ԲԿՄԱ-ի դեմ խաղում․ Սպերցյանը՝ գոլային փոխանցման հեղինակ (տեսանյութ)

Ռուսաստանի Պրեմիեր լիգայի 7-րդ տուրում «Կրասնոդարը» հյուրընկալվել էր Մոսկվայի ԲԿՄԱ-ին։ Հանդիպումն ավարտվեց 1։1 հաշվով։

Խաղի հաշիվը բացեց Մատվեյ Կիսլակը՝ 36-րդ րոպեին։ 44-րդ րոպեին Ջոն Կորդոբան, Էդուարդ Սպրեցյանի փոխանցումից հետո, վերականգնեց հաշվի հավասարությունը։ Տեսանյութը՝ այստեղ։

2-րդ կեսի մեկնարկից 10 րոպե անց Կորդոբան ուղիղ կարմիր քարտով հեռացվեց խաղադաշտից, սակայն նոր գոլեր չգրանցվեցին։

Այս հանդիպումից հետո «Կրասնոդարը» 16 միավորով առաջատարն է։

Հաջորդ տուրում Սպրեցյանի թիմը կմրցի «Ակրոնի» հետ։