Արժանի էինք հաղթանակի․ Ավելի ուժեղ էինք դաշտում ու արտառոց ոչինչ չկա․ Վահե Գևորգյանը՝ Նոայի հետ հաղթական խաղից հետո (տեսանյութ)
Fastex Պրեմիեր լիգայի 5-րդ տուրի «Ալաշկերտ»-«Նոա» հանդիպումից հետո «Ալաշկերտի» գլխավոր մարզիչ Վահե Գևորգյանը խոսել է խաղի մասին ու պատասխանել լրագրողների հարցերին․
«Հերթական ծանր հանդիպումն էր։ Այն դրվագներում, որտեղ պետք է տիրեինք նախաձեռնությանը՝ տիրեցինք։ Ինչպես որ պատրաստվել էինք այս խաղին, ինչ թույլ ու ուժեղ կողմեր նկատել էինք մրցակցի մոտ, վերլուծել էինք ու 100 տոկոսով չէ, 90 տոկոսով իրացրինք ու հաղթեցինք։ Դժգոհ եմ պահերի իրացումից։ Չեմ ասում, որ «Նոային» պարտավոր էինք 5։0 հաղթել, բայց հասկանում էինք, որ «Նոան» այն թիմերից է, երբ ունենում ես պահ ու չես խփում, իրենք կարող է 1 գոլից հետո հետ գան խաղ։ Կարծում եմ, որ մենք արժանի էինք հաղթանակի ու ավելի ուժեղ էինք դաշտում, բայց ես ֆուտբոլիստներին էլ ասացի, որ չպետք մեր գլուխը կորցնենք այս հաղթանակներից հետո։ Պետք է շարունակենք պատրաստվել առաջնության մնացած հատվածին։ Արտառոց ոչինչ տեղի չի ունենում»։
