Հայաստանի հավաքականի ֆուտբոլիստը Կրասնոդարից տեղափոխվեց հունգարական թիմ
Հայաստանի ազգային հավաքականի պաշտպան Գեորգի Հարությունյանը «Կրասնոդարից» տեղափոխվեց հունգարական «Պուշկաշ ակադեմիա»։ Այս մասին հայտնում է ռուսական ակումբի պաշտոնական կայքը։
«Շնորհակալություն, Ժորա։ Մաղթում ենք քեզ հաջողություններ հետագա կարիերայում»,- ասված է ակումբի հայտարարությունում։
Հունգարական ակումբի հետ հայ ֆուտբոլիստը կնքել է 3 տարվա պայմանագիր։
Գեորգի Հարությունյանը «Կրասնոդարի» սան է։ Հայաստանի հավաքականի կազմում Հարությունյանն անցկացրել է 20 հանդիպում։
