Հայաստանի գավաթ. Նոան դուրս եկավ քառորդ եզրափակիչ, որտեղ կխաղա Գանձասարի հետ
Հայաստանի գավաթի խաղարկության 1/8 եզրափակչում «Նոան» այսօր ընդունել է «Ալաշկերտին» և 2:0 հաշվով հաղթանակ տարել մրցակցի նկատմամբ:
Այս հաղթանակի շնորհիվ «Նոան» դուրս է եկել Հայաստանի գավաթի խաղարկության քառորդ եզրափակիչ, որտեղ կխաղա «Գանձասարի» հետ։
Հանդիպման հաշիվը բացվել է խաղի միայն 40-րդ րոպեին: Տանտերերի պորտուգալացի հարձակվող Գոնսալո Գրեգորիոն է դարձել գոլի հեղինակ ու առաջ մղել իր թիմին: 51-րդ րոպեին Գոռ Մանվելյանը կրկնապատկել է Ռուի Մոտայի թիմի առավելությունը:
