Հայաստանի չեմպիոն «Նոային» է միացել 25-ամյա պաշտպան Նաթանիել Սաինտինին։
Սաինտինին ծնվել է Գվադելուպայում (Ֆրանսիային պատկանող տարածք՝ Կարիբյան ծովի արևելյան մասում)։
Ֆուտբոլիստը Հայաստանի չեմպիոնի շարքերը համալրել է «Սիոնից»։ Շվեյցարիան ներկայացնող ակումբից ևս մեկ ֆուտբոլիստի տրանսֆերի մասին «Նոան» հայտնել էր ավելի վաղ։
«Նոայի» նորեկը նախորդ մրցաշրջանը վարձավճարով անցկացրել է Ֆրանսիայի «Լիգա 2»-ը ներկայացնող «Մարտիգ» թիմում, որի կազմում մասնակցել է 29 հանդիպման։
Պայմանագիրը կնքվել է 2+1 ձևաչափով։
Սաինտինին 2 հանդիպում է անցկացրել Ֆրանսիայի Մ18 հավաքականում։
