Հայ պատանի շախմատիստը՝ ԱՄԷ-ում անցկացված Fujairah Global 2025 շախմատի միջազգային մրցաշարի փոխչեմպիոն
Հայաստանի ներկայացուցիչ Դավիթ Բաղդասարյանն արծաթե մեդալ է նվաճել ԱՄԷ-ում անցկացված «Fujairah Global 2025» շախմատի միջազգային մրցաշարի «Open» խմբում: Այս մասին հայտնում է Հայաստանի շախմատային ֆեդերացիայի մամուլի քարտուղարությունը:
Դավիթը, չկրելով ոչ մի պարտություն, 9 հնարավորից վաստակել է 7.5 միավոր։
Հայաստանի մյուս ներկայացուցիչ, վարպետության թեկնածու Վոլոդյա Թորոսյանը փայլուն է մեկնարկել մրցաշարում՝ 7 հնարավորից վաստակելով 7 միավոր: Սակայն վերջին երկու խաղափուլերում պարտություն է կրել և արդյունքում զբաղեցրել է մրցանակային 6-րդ հորիզոնականը:
