Յուրաքանչյուր միավոր կարող է վճռորոշ լինել․ Վիտինյա

Աշխարհի 2026 թվականի առաջնության եվրոպական գոտու ընտրական փուլի 1-ին տուրի Հայաստան-Պորտուգալիա խաղից առաջ Պորտուգալիայի ազգային հավաքականի և ՊՍԺ-ի կիսապաշտպան Վիտինյան պատասխանել է լրագրողների հարցերին․

«Ինձ համար նախորդ մրցաշրջանը հիանալի էր, իսկապես, երազանքների մրցաշրջան էր, որը միշտ կհիշեմ, բայց հուսով եմ՝ լավագույնը դեռ առջևում է։ Գրեթե կատարյալ մրցաշրջան էր»։

«Հայաստանի հավաքականի մասին շատ բան չեմ կարող ասել, քանզի դեռ վերլուծելու ենք մրցակցին։ Խմբի մասին գիտենք, որ այն յուրահատուկ է և յուրաքանչյուր միավոր կարող է վճռորոշ լինել։ Գիտենք, որ չպետք է թուլանանք և բաց թողնենք 3 միավոր վաստակելու հնարավորությունը։ Պատրաստվում ենք դրան»։

«Ո՞վ չի ցանկանում հաղթել աշխարհի առաջնությունը։ Դա կլինի կատարյալ։ Մենք հաղթել ենք Եվրոպայի առաջնությունը, 2 Ազգերի լիգա։ Աշխարհի գավաթը նվաճելը կլինի կատարյալ և մենք ամեն ինչ կանենք դրա համար»։

Հիշեցնենք, որ Հայաստան-Պորտուգալիա հանդիպումը կկայանա սեպտեմբերի 6-ին և կմեկնարկի 20։00-ին։