Մենք պետք է ցույց տանք մեր բնավորությունը․ Էդուարդ Սպերցյան

Աշխարհի առաջնության եվրոպական գոտու ընտրական փուլի 1-ին տուրում Հայաստանի հավաքականը կմրցի Պորտուգալիայի ընտրանու հետ։

Հայաստանի հավաքականի նախախաղային ասուլիսին Եղիշե Մելիքյանի հետ մասնակցել է «Կրասնոդարի» կիսապաշտպան Էդուարդ Սպերցյանը։

«Ես հիմա չեմ ցանկանում խոսել իմ տրանսֆերի մասին։ Հիմա ցանկանում եմ խոսել միայն վաղվա խաղի մասին, ինչ վերաբերվում է մոտիվացիային, դա միշտ կա՝ քանի որ մենք պրոֆեսիոնալ ենք, ինչ վերավերվում է նոր մարզչին, թիմում հիանալի մթնոլորտ է։ Մարզիչին մենք ճանաչում ենք։  Յուրաքանչյուր մարզիչ ունիր իր մոտեցումները։ Եղիշե Մելիքյանը չափազանց շատ խստապահանջ մարզիչ է, վերջին 5 օրվա ընթացքում մենք առավելագույն ուժերն ենք ներդրել, որպեսզի պատրաստ լինենք առաջիկա խաղերին։

Ֆիզիկապես և հոգեպես շատ լավ մարզավիճակում եմ, և տա Աստված, որ կարողանամ օգնել նաև Հայաստանի հավաքականին։ Բոլորը գիտեն, որ Պորտուգալիան աշխարհի լավագույն թիմերից մեկն է, բայց սա ֆուտբոլ է, մենք պետք է ցույց տանք մեր բնավորությունը և խաղի վերջին կտեսնենք, թե ինչպես կստացվի դա մեզ մոտ»,-ասել է Սպերցյանը։