Հայաստանի հավաքականը չկոտրվեց․ Նրանք մրցունակ թիմ ունեն ու ապագայում ավելի մրցունակ կլինեն․ Ռոբերտո Մարտինես
Աշխարհի առաջնության ընտրական փուլի Հայաստան-Պորտուգալիա (0։5) խաղից հետո Պորտուգալիայի ազգային հավաքականի գլխավոր մարզիչ Ռոբերտո Մարտինեսը խոսել է խաղի մասին և պատասխանել լրագրողների հարցերին։
«Շատ գոհ եմ իմ թիմի ելույթից։ Թիմը կատարեց իր առջև դրված բոլոր խնդիրները։ Այսպիսի խաղերում պետք է ամեն ինչի պատրաստ լինես, սակայն Հայաստանի հավաքականը չէր կոտրվել։ Փորձում էր խաղալ, նույնիսկ արագ գոլ բաց թողնելու հետո։ Համոզված եմ, որ Հայաստանի հավաքականը մրցունակ թիմ է ու ապագայում ավելի մրցունակ կլինի»։
«Չէի ուզենա մակարդակների համեմատություն անել, սակայն մեր թիմն այսօր շատ լավ հանդիպում անցկացրեց՝ օգտագործելով իր շանսերը։ Համեմատություն անելու կարիք ու անհրաժեշտություն չկա»։
Հիշեցնենք, որ Պորտուգալիայի կազմում դուբլ էին ձևակերպել Կրիշտիանու Ռոնալդուն և Ժոաու Ֆելիշը։ Մեկ անգամ էլ աչքի էր ընկել Ժոաու Կանսելուն։
Հայաստանի հավաքականը սեպտեմբերի 9-ին կմրցի Իռլանդիայի ընտրանու հետ։
