Դավիթ Եղիազարյանը՝ ֆուտբոլի Եվրոպայի լրագրողների առաջնության լավագույն խաղացող, Հովհաննես Մամբրեյանը՝ լավագույն հարձակվողական ոճի ֆուտբոլիստ

Ֆուտբոլի լրագրողների Հայաստանի հավաքականի հարձակվող Դավիթ Եղիազարյանը ճանաչվել է Եվրոպայի լրագրողների առաջնության լավագույն խաղացող, իսկ Հովհաննես Մամբրեյանը՝ մրցաշարի լավագույն հարձակվողական ոճի ֆուտբոլիստ։

Հիշեցնենք, որ եզրափակիչում Հայաստանի թիմը 2։0 հաշվով առավելության էր հասել Ուկրաինայի լրագրողների հավաքականի նկատմամբ։

Լրագրողների Եվրոպայի առաջնությունը նման ձևաչափով անցկացվում էր առաջին անգամ։

Մրցաշարին մասնակցում էին 14 լրագրողական թիմեր Հայաստանից, Լիտվայից, Լատվիայից, Վրաստանից, Բելառուսից, Հունգարիայից, Լեհաստանից, Հունաստանից, Սերբիայից, Չեխիայից և այլ երկրներից։