10 հոգով մնացած Կրասնոդարը հաղթեց Ակրոնին․ Սպերցյանն ու Սևիկյանը մասնակցեցին հանդիպմանը (տեսասնյութ)

Ռուսաստանի առաջնության 8-րդ տուրում «Կրասնոդարն» ընդունել էր «Ակրոնին» ու հաղթեց 2։1 հաշվով։

Հանդիպման հաշիվը բացեց Վիկտոր Սան՝ 14-րդ րոպեին։ 21-րդ րոպեին Հայաստանի ազգային հավաքականի կիսապաշտպան Էդգար Սևիկյանը վաստակեց 11-մետրանոց, որը դիպուկ իրացրեց Արտյոմ Ձյուբան՝ հավասարեցնելով հանդիպման հաշիվը։

76-րդ րոպեին Նիկիտա Կրիվցովը, Էդուարդ Սպերցյանի փոխանցումից, գրավեց «Ակրոնի» դարպասը՝ առաջ մղելով «Կրասնոդարին»։ Տեսանյութը՝ այստեղ։

89-րդ րոպեին Դիեգո Կոստան հեռացվեց խաղադաշտից՝ վերջին հույսի խախտման համար։

Հայաստանի ազգային հավաքականի ֆուտբոլիստներ Էդուարդ Սպերցյանն ու Էդգար Սևիկյանն ընդգրկված էին համապատասխանաբար «Կրասնոդարի» ու «Ակրոնի» կազմում։ Սպերցյանը մասնակցեց ամբողջ հանդիպմանը, իսկ Սևիկյանը փոխարինվեց 78-րդ րոպեին։

Այս հաղթանակից հետո «Կրասնոդարը» 19 միավորով գլխավորում է մրցաշարային աղյուսակը։ «Ակրոնը» 6 միավորով 13-րդ տեղում է։

Հաջորդ տուրում ՌՊԼ-ի գործող հաղթողները կմրցեն Սանկտ-Պետերբուրգի «Զենիթի», իսկ Տոլյատին ներկայացնող ակումբը՝ «Ռուբինի» հետ։