Արման Անդրեասյանը պարտվեց բրոնզե մեդալի համար պայքարում
Խորվաթիայի մայրաքաղաք Զագրեբում ընթանում է ըմբշամարտի աշխարհի առաջնությունը։
Ազատ ոճի 70 կգ քաշային կարգում Հայաստանի ներկայացուցիչ Արման Անդրեասյանը բրոնզե մեդալի համար պայքարում 2-8 հաշվով զիջեց Ղրղզստանը ներկայացնող Էրնազար Ակմատալիևին։
Հայաստանի ներկայացուցիչը որակավորման փուլում մրցում էր Տաջիկստանը ներկայացնող Վիկտոր Ռասադինի հետ և գոտեմարտի ավարտից 2 վայրկյան առաջ զիջելով 3։5 հաշվով՝ կարողացավ կորզել հաղթանակ ու 5։5 հաշվով առավելության հասնելով դուրս եկավ 1/8 եզրափակիչ, որտեղ խնդիրներ չունեցավ սերբ Վիկտոր Վոինովիչի հետ՝ հաղթելով վերջինիս 4։1 հաշվով։
Քառորդ եզրափակչում հայ ըմբիշի մրցակիցն ադրբեջանցի Քանան Հեյբատովն էր, որին Անդրեասյանը պայքարից դուրս թողեց՝ հաղթելով 8։6 հաշվով։
Կիսաեզրափակչում Անդրեասյանն ուժերը չափում էր ճապոնացի Յոշինոսուկե Աոյագիի հետ ու զիջեց 0։8 հաշվով։
Հիշեցնենք, որ ազատ ոճում մեր մյուս ներկայացուցիչներից Մանվել Խնձրցյանն ու Հրայր Ալիխանյանը նույնպես ավարտել են մրցելույթներն, իսկ Արսեն Հարությունյանը վաղը կպայքարի բրոնզե մեդալի համար։
Վաղը պայքարի մեջ կմտնի 65 կգ քաշային Վազգեն Թևանյանը։
Ըմբշամարտի աշխարհի առաջնությունում հայ մարզիկների ելույթների ուղիղ թարմացումներին հետևեք մեր տելեգրամյան ալիքում։
