Հայտնի է Արսեն Հարությունյանի մրցակիցը՝ բրոնզե մեդալի համար պայքարում

Զագրեբում ընթացող ըմբշամարտի աշխարհի առաջնության ազատ ոճի 57 կգ քաշային կարգում Հայաստանի ներկայացուցիչ Արսեն Հարությունյանն այսօր երեկոյան կպայքարի բրոնզե մեդալի համար։

Հայ ըմբիշի մրցակիցը կլինի Մեքսիկայի ներկայացուցիչ Ռոման Բրավո Յանգը։ Վերջինս սփոփիչ գոտեմարտում 6:2 հաշվով հաղթել է Պուերտո Ռիկայի ներկայացուցչին։

Հարությունյանըն Օլիմպիական խաղերի ժամանակ հաղթել է Յանգին՝ 13։3 հաշվով։

Հիշեցնենք, որ որակավորման փուլում Հարությունյանը մրցում էր ուկրաինացի Վլադիսլավ Աբրրամովի հետ ու 2 րոպե 17 վայրկյանում առավելության հասավ վերջինիս նկատմամբ՝ 10։0 հաշվով։ 1/8 եզրափակչում հայ ըմբիշը լարված գոտեմարտում 13-8 հաշվով հաղթանակի հասավ մոնղոլ  Մունխ Բատհույագի նկատմամբ՝ դուրս գալով քառորդ եզրափակիչ, որտեղ 14-3 հաշվով ջաջախիչ հաղթանակ տարավ ԱՄՆ-ն ներկայացնող, Օլիմպիական խաղերի փոխչեմպիոն Սփենսեր Լիի նկատմամբ։ Եվրոպայի քառակի չեմպիոնը գոտեմարտն ավարտեց ժամանակից շուտ։

Կիսաեզրափակչում Հարությունյանի մրցակիցը Կորեայի Ժողովրդական Դեմոկրատական Հանրապետության ներկայացուցիչ Չոնսոն Հանն էր, որին հայ ըմբիշը զիջեց 1-4 հաշվով։

Այսօր պայքարի մեջ կմտնի նաև 65 կգ քաշային Վազգեն Թևանյանը։

Ըմբշամարտի աշխարհի առաջնությունում հայ մարզիկների ելույթների ուղիղ թարմացումներին հետևեք մեր տելեգրամյան ալիքում։