ՖԻՖԱ–ն հրապարակել է ազգային հավաքականների դասակարգման թարմացված աղյուակը

ՖԻՖԱ-ն հրապարակել է ազգային հավաքականների դասակարգման թարմացված աղյուսակը։ Հայաստանի հավաքականը նախորդ ամսվա համեմատ առաջադիմել է երկու հորիզոնականով և այժմ 103-րդն է։

Դասակարգման աղյուսակը գլխավորում է Իսպանիայի հավաքականը, երկրորդ տեղում Ֆրանսիային է, երրորդում՝ աշխարհի գործող չեմպիոն Արգենտինայի հավաքականը։ 

Լավագույն տասնյակում տեղ են գտել նաև Անգլիայի, Պորտուգալիայի, Բրազիլիայի, Նիդերլանդների, Բելգիայի, Խորվաթիայի և Իտալիայի ընտրանիները։

Աշխարհի 2026 թվականի առաջնության ընտրական փուլում Հայաստանի հավաքականի հետ նույն խմբում ընդգրկված Հունգարիայի հավաքականը նահանջել է 3 հորիզոնականով և 41-րդն է։ Իռլանդիան էլ նահանջել է 1 տեղով ու այժմ 61-րդն է։