Fastex ՀՊԼ. Ալաշկերտը 5-րդ անընդմեջ հաղթանակը տարավ

Fastex Պրեմիեր լիգայի 7-րդ տուրում «Ալաշկերտն» ընդունել էր «Գանձասարին» ու հաղթեց 2։0 հաշվով։

«Ալաշկերտի» կազմում աչքի ընկան Կարեն Նալբանդյանն ու Էդգար Փիլոյանը։

Այս հաղթանակի շնորհիվ «Ալաշկերտը», իր ակտիվում ունենալով 15 միավոր, վերադառնում է 1-ին հորիզոնական։ Վահե Գևորգյանի գլխավորած թիմը 1 հանդիպում պակաս է անցկացրել 2-րդ տեղում գտնվող «Ուրարտուից»։

Սա «Ալաշկերտի» 5-րդ անընդմեջ հաղթանակն էր առաջնությունում։ Վերջին 5 խաղերում «ալաշկերտցիները» խփել են 11 գոլ, իսկ սեփական դարպասն ընդունել են միայն 1-ը։

Հաջորդ տուրում «Ալաշկերտը» կմրցի «Վանի» հետ, բայց մինչ այդ ՀՊԼ-ի 2-րդ տուրից հետաձգված հանդիպում կանցկացնի «Արարատ-Արմենիայի» դեմ։ «Գանձասարի» մրցակիցը 8-րդ տուրում «Փյունիկն» է։