Սլավիկ Գալստյանը հաղթում է սփոփիչ գոտեմարտում ու կպայքարի բրոնզե մեդալի համար

Հունահռոմեական ոճի ըմբշամարտի աշխարհի առաջնության 67 կգ քաշային կարգում Սլավիկ Գալստյանը սփոփիչ գոտեմարտում 6։4 հաշվով առավելության հասավ Ավստրալիան ներկայացնող ճապոնացի ըմբիշը Ցուչիկա Սիմոյամադայի նկատմամբ։

Այս հաղթանակի շնորհիվ Գալստյանը դուրս է գալիս «բրոնզե եզրափակիչ», որտեղ կպայքարի ղրղզ Ռազզակ Բեիշեկեևի հետ։

Հիշեցնենք, որ այսօր մրցումային վերջին օրն է։

Հունահռոմեական ոճի Հայաստանի հավաքականը մրցավայր է մեկնել 10 ըմբիշով։ 55 կգ քաշային Մանվել Խաչատրյանը, 63 կգ քաշային Կարեն Ասլանյանը, 72 կգ քաշային Գոռ Խաչատրյանը, 82 կգ քաշային Սամվել Գրիգորյանը, 87 կգ քաշային Վիգեն Նազարյանը, 97 կգ քաշային Արթուր Ալեքսանյանն ու 130 կգ քաշային Ռազմիկ Քուրդյանը վաղաժամ լքել են պայքարը։ 60 կգ քաշային Հրաչյա Պողոսյանը նվաճել է բրոնզե մեդալ, իսկ 77 կգ քաշային Մալխաս Ամոյանը հռչակվել է աշխարհի չեմպիոն։