Fastex Պրեմիեր լիգայի 7-րդ տուրում «Ալաշկերտը» 2։0 հաշվով հաղթել է «Գանձասարին»։
«Ալաշկերտի» երկրորդ գոլի հեղինակ Էդգար Փիլոյանը ակումբի մամուլի ծառայության հետ զրույցում խոսել է խաղի մասին։
«Ուրախ եմ, որ կարողացանք 3 միավոր վաստակել՝ հատկապես գավաթային խաղից հետո։ Արժանի էինք այս հաղթանակին։ Որախ եմ, որ կարողացա գոլ խփել՝ օգնել թիմին։ Կարծում եմ ամբողջ թիմը լավ աշխատանք տարավ»,-ասել է Փիլոյանը։
Հիշեցնենք, որ սա «Ալաշկերտի» 5-րդ անընդմեջ հաղթանակն էր առաջնությունում։ Վերջին 5 խաղերում «ալաշկերտցիները» խփել են 11 գոլ, իսկ սեփական դարպասն ընդունել են միայն 1-ը։
6 խաղից հետո Վահե Գևորգյանի գլխավորած թիմը 15 միավորով գլխավորում է մրցաշարային աղյուսակը։
