Աշխատանքը երբեք անպատասխան չի մնում. Արսեն Հարությունյան
Ազատ ոճային ըմբիշ Արսեն Հարությունյանը, որը Զագրեբում անցկացված ըմբշամարտի աշխարհի առաջնությունում կարիերայում չորրորդ անգամ դարձել էր բրոնզե մեդալակիր, գրառում է կատարել սոցիալական ցանցի իր էջերում:
«Աշխատանքը երբեք անպատասխան չի մնում։ Աստված տեսնում է ամեն ջանք ու պարգևում է հաղթանակ։ Համոզված եմ՝ յուրաքանչյուր ցավի ու անքուն գիշերի, նվիրված մարզումների դիմաց կհասնեմ իմ նպատակին։ Սկսում ենք՝ հավատքով ու նպատակով, հաստատակամ աշխատանքով»,- գրել է Հարությունյանը:
57 կգ քաշային կարգի բրոնզե մեդալի համար գոտեմարտում Եվրոպայի քառակի չեմպիոն Արսեն Հարությունյանը 7:4 հաշվով առավելության էր հասել Մեքսիկայի ներկայացուցիչ Ռոման Բրավո Յանգի նկատմամբ:
