Տիկնիզյանը ստացել է Սերբիայի քաղաքացիություն
Հայաստանի ազգային հավաքականի ու սերբական «Ցրվենա Զվեզդայի» պաշտպան Նաիր Տիկնիզյանը ստացել է Սերբիայի անձնագիր՝ դառնալով այդ երկրի քաղաքացի։
Նրան այդ անձնագիրը շնորհվել է Սերբիայի վարչապետ Ջուրո Մացուտի հրամանագրով, որը հրապարկվել է Սերբիայի պաշտոնական տեղեկագրում։
Հայ պաշտպանից բացի Սերբիայի քաղաքացիություն են ստացել նաև Միլան Վուկոտիչը՝ «Պարտիզանից» և Դուգլաս Օվուսուն՝ «Ռադնիկից»։
Սերբական անձնագիր ստանալը նշանակում է, որ Տիկնիզյանը Սերբիայում այլևս չի համարվելու լեգեոներ։ Ըստ այդ առաջնության կանոնների, խաղադաշտում 1 թիմի կազմում կարող է լինել առավելագույնս 4 ֆուտբոլիստ, որոնք չունեն ԵՄ-ի անձնագիր։ Սա նաև հնարավորություն կտա Տիկնիզյանին տեղափովել թոփ առաջնություներ՝ լեգեոների կարգավիճակից դուրս։
Սերբիայի վարչապետի հրամանագրում ասված է․
«Սերբիայի քաղաքացիություն շնորհել Նաիր Հովհաննեսի Տիկնիզյանին, ծնված 1999 թվականի մայիսի 12-ին՝ Սանկտ-Պետերբուրգում, ՌԴ, ՌԴ-ի քաղաքացի։ Իրական որոշումը հրապարակված է Սերբիայի պաշտոնական տեղեկագրում»։
Այժմ Տիկնիզյանն ունի Հայաստանի, Ռուսաստանի և Սերբիայի քաղաքացիություն։
