Կանանց Ազգերի լիգա. Հայաստանի հավաքականը ջախջախիչ հաղթանակ տարավ մեկնարկում
Հայաստանի ֆուտբոլի կանանց ազգային հավաքականն ՈւԵՖԱ Կանանց Ազգերի լիգայի մեկնարկում այսօր սեփական հարկի տակ ընդունել է Լիխտենշտեյնի հավաքականին և 6:1 հաշվով ջախջախիչ հաղթանակ է տարել:
Հայաստանի թիմի կազմում հեթ-տրիկի հեղինակ է դարձել Լառա Կազանջյանը, մեկական անգամ էլ աչքի են ընկել Մարալ Արթինը, Օքսաննա Պիզլովան և Աննա Դալլաքյանը: Վերջինս անվրեպ է իրացրել 11-մետրանոցը:
Հանդիպումը կայացել է Արմավիրի Հակոբ Տոնոյանի անվան «Քաղաքային» մարզադաշտում:
Ազգերի լիգայի շրջանակում հաջորդ հանդիպումն Արտակ Ադամյանի սաները կանցկացնեն փետրվարի 25-ին՝ Արմավիրում հյուընկալելով Ղազախստանի հավաքականին:
