Հայաստան-Լիխտենշտեյն. Կանանց հավաքականի պատմության ամենախոշոր հաշվով հաղթանակն ու առաջին հեթ-տրիկը

Կանանց Հայաստանի ազգային հավաքականը սկսել է պայքարը ՈւԵՖԱ Կանանց Ազգերի լիգայում: Մեր ընտրանին ընդգրկված է C3 խմբում, որտեղ նրա մրցակիցներն են Լիխտենշտեյնի, Ղազախստանի և Լյուքսեմբուրգի ընտրանիները: 

Կանանց Հայաստանի ազգային հավաքականն, ինչպես ավելի վաղ հայտնել էինք, առաջին խաղում ընդունել է Լիտենշտեյնի ընտրանուն և հաղթեց 6:1 հաշվով: 

Հանդիպման հաշիվը բացել է Մարալ Արթինը 7-րդ րոպեին: Րոպեներ անց մեր ընտրանու առավելությունը կրկնապատկել է Օքսաննա Պիզլովան: Առաջին խաղակեսի վերջում էլ Լարա Կազանջյանի խփած գոլի արդյունքում թիմերն ընդմիջման են գնացել 3:0 հաշվի պայմաններում:

51-րդ րոպեին նշանակված 11-մետրանոց հարվածը դիպուկ է իրացրել Աննա Դալլաքյանը: 1 րոպե անց Լիխտենշտեյնի հավաքականի կազմում Կատարինա Ռիշը կրճատել է հաշվի տարբերությունը: Եվս 1 րոպե անց Լարա Կազանջյանը դուբլ է ձևակերպել, 71-րդ րոպեին էլ դարձել է կանանց Հայաստանի ազգային հավաքականի պատմության առաջին հեթ-տրիկի հեղինակը՝ հաշիվը դարձնելով 6:1:

Մեր հավաքականը տարել է իր պատմության ամենախոոր հաշվով հաղթանակը, գրում է ՀՖՖ պաշտոնական կայքը: