Պատրաստվել էինք դժվար հանդիպման, բայց կարող էինք 2-րդ ու 3-րդ գոլերն էլ խփել․ Ռոբերտ Արզումանյանը՝ Շիրակի դեմ խաղից հետո (տեսանյութ)

Fastex Պրեմիեր լիգայի 8-րդ տուրի «Շիրակ»-«Ուրարտու» (0։1) խաղից հետո երևանյան ակումբի գլխավոր մարզիչ Ռոբերտ Արզումանյանը խոսել է խաղի մասին․

«Պատրաստվել էինք դժվար հանդիպման, քանի որ «Շիրակը» երիտասարդ հայերով համալրված թիմ է, որը խաղից-խաղ առաջխաղացում է ունենում։ Մարզչին էլ գիտեմ, շատ լավ մարզիչ է ու կարողանում է թիմն ավելի կազմակերպած դարձնել ու իր մտքերը կարողանում է դաշտում կատարել։ Մենք 1-ին խաղակեսում, կարծում եմ, չիրականացրեցինք, հիմնականում գնդակով խաղի ժամանակ, այն խաղի պլանը, որը մարզել էինք, մարզում էինք, ելնելով ավելի շատ ոչ ճիշտ դիրքավորվելուց։ 2-րդ խաղակեսում շտկեցինք ու կարծում եմ, որ մինչև վերջնամասը հիանալի հանդիպում անցկացրինք, կարող էինք 2-րդ ու 3-րդ գնդակն էլ խփել, իսկ վերջնամասը շատ լարված անցավ, ինչը բնական է Գյումրիում, բայց կարողացանք պահել այդ ճնշումը, հաղթեցինք և 1 քայլ ևս կատարեցինք՝ մեր խաղը բարելավելու ուղղությամբ»։

Մանրամասն տեսանյութում․