Ալաշկերտն ու Շիրակը հաղթողին չպարզեցին

Fastex Պրեմիեր լիգայի 9-րդ տուրում «Ալաշկերտն» ընդունել էր «Շիրակին»։ Հանդիպումն ավարտվեց 1։1 հաշվով։

Խաղի հաշիվը բացեց Տիգրան Սումբուլյանը՝ 21-րդ րոպեին։ 20-ամյա ֆուտբոլիստն այս մրցաշրջանում 1-ին անգամ էր ընդգրկվել «Շիրակի» մեկնարկային կազմում։

2-րդ կեսի մեկնարկից 8 րոպե անց «Ալաշկերտը» ստացավ 11-մետրանոցի իրավունք, որը հստակ իրացրեց ու հաշվի հավասարակշռությունը վերականգնեց Կարեն Նալբանդյանը՝ խփելով իր 5-րդ անընդմեջ գոլն, իսկ մրցաշրջանում խփած գոլերի թիվը հասցնելով 7-ի։

Այս հանդիպումից հետո Վահե Գևորգյանի գլխավորած թիմը շարունակում է գլխավորել մրցաշարային աղյուսակը՝ 19 միավորով։ «Շիրակը» 6 միավորով 8-րդ հորիզոնականում է։

Այս տուրում կկայանան նաև «Փյունիկ»-«Վան» (04․10 17։00), «Արարատ»-ԲԿՄԱ (04․10 19։00), «Արարատ-Արմենիա»-«Գանձասար» (05․10 17։00) և «Ուրարտու»-«Նոա» (05․10 20։00) հանդիպումները։