Սևիկյանը գոլը 1 միավոր բերեց Ակրոնին՝ Զենիթի դեմ խաղում (տեսանյութ)

Ռուսաստանի Պրեմիեր լիգայի 11-րդ տուրում «Ակրոնն» ընդունել էր «Զենիթին»։ Հանդիպումն ավարտվեց 1։1 հաշվով։

11-րդ րոպեին Պեդրոյի խփած գոլին պատասխանեց Հայաստանի ազգային հավաքականի կիսապաշտպան Էդգար Սևիկյանը՝ 36-րդ րոպեին։ Տեսանյութը այստեղ։

Հայ կիսապաշտպանն ընդգրկված էր «Ակրոնի» մեկնարկային կազմում ու փոխարինվեց 60-րդ րոպեին։ Հետաքրքրական է, որ Տոլյատին ներկայացնող ակումբը կարող է հաղթանակ կորզել, սակայն հիմնական ժամանակին ավելացրած 6-րդ րոպեին Արտյոմ Զյուբան չկարողացավ իրացնել 11-մետրանոցը։

Այս խաղից հետո «Ակրոնը» 8 միավորով 13-րդ տեղում է ու միջազգային խաղերով պայմանավորված դադարից հետո, 12-րդ տուրում, կմրցի «Պարի Նիժնի Նովգորոդի» հետ։