Արկադի Մկրտիչյանը երկարաձգել է պայմանագիրը Ուրարտու բասկետբոլային ակումբի հետ
Հայաստանի բասկետբոլի ազգային հավաքականի խաղացող Արկադի Մկրտիչյանը կշարունակի հանդես գալ «Ուրարտու»-ում. նրա հետ պայմանագիրը երկարաձգվել է:
Այս մասին հայտնում է ակումբի մամուլի քարտուղարությունը:
Արկադին «Ուրարտու»-ի կազմում է 2021-ից և այս ընթացքում դարձել է թիմի առանցքային խաղացողներից մեկը։ Նրա փորձն ու նվիրվածությունը մեծ ներդրում ունեն մեր թիմի հաջողություններում։
Արկադի Մկրտիչյանը Հայաստանի հավաքականի առաջատար խաղացողներից է: ԱՄՆ-ում համալսարանական դիվիզիոնում հանդես գալուց հետո խաղացել է Իսպանիայում, Ղազախստանում և Էստոնիայում, ինչից հետո տեղափոխվել է Հայաստան: Հայաստանի հավաքականի գույները պաշտպանում է 16 տարեկանից:
