Սպերցյանն իրեն երբեք նման բան թույլ չէր տալ. Տիկնիզյան

Սերբական «Ցրվենա Զվեզդայի» և Հայաստանի ազգային հավաքականի խաղացող Նաիր Տիկնիզյանը մեկնաբանել է «Կրասնոդարի» ավագ Էդուարդ Սպերցյանի դեմ ուղղված ռասիզմի մեղադրանքները՝ Ռուսաստանի Պրեմիեր լիգայի 11-րդ տուրում «Ախմատ Գրոզնիի» պաշտպան Ուսմանե Նդոնգի հետ բախումից հետո։

«Կրասնոդարը» հաղթել է 2-0 հաշվով։

«Ես վաղուց եմ ճանաչում Էդուարդ Սպերցյանին։ Նա բարեկիրթ և համեստ տղա է, որը երբեք իրեն թույլ չի տա մեկին վիրավորել ռասսայական հիմքով։ Ֆուտբոլը զգացմունքների մասին է, բայց Սպերցյանը գիտի, թե ինչպես դրանք պահել իր մեջ և ճիշտ ուղղությամբ տանել», - Տիկնիզյանի խոսքերն է մեջբերում Metaratings-ը։