Արայիկ Գևորգյանը կշարունակի հանդես գալ «Ուրարտու» բասկետբոլային ակումբում
Արայիկ Գևորգյանը կշարունակի հանդես գալ «Ուրարտու»-ում. 21-ամյա բասկետբոլիստի և ակումբի միջև պայմանագիրը երկարաձգվել է:
«Շատ ոգևորված ենք ակումբում տեղի ունեցող փոփոխություններով։ Մեծ սպասելիքներ ունենք։ Արդեն զգացվում է՝ գնալու ենք դեպի չեմպիոնություն։ Կներդնենք մեր բոլոր ուժերն ամենաբարձր նպատակներին հասնելու համար»,- ասել է Արայիկ Գևորգյանը պայմանագիրը ստորագրելուց հետո:
Արայիկը բասկետբոլով զբաղվում է ավելի քան 13 տարի։ Նա հանդես է եկել Հայաստանի երիտասարդական հավաքականների կազմում՝ մասնակցելով մինչև 18 և մինչև 20 տարեկանների Եվրոպայի առաջնություններին։ Մ20 տարեկանների ԵԱ-ում մեր բասկետբոլիստն անհատական միավորների արդյունավետությամբ ընդգրկվել է թոփ-10՝ ընդհանուր առմամբ հավաքելով 100 միավոր:
Արայիկը նաև Հայաստանի ազգային հավաքականում խաղալու փորձ ունի։ «Ուրարտուի» կազմում հանդես է գալիս 2023 թվականից, իսկ նախորդ մրցաշրջանում թիմի հետ դարձել է Հայաստանի Ա լիգայի փոխչեմպիոն։
