Ռուսաստանի ֆուտբոլային միության վերահսկողական և կարգապահական կոմիտեն որոշում է կայացրել Հայաստանի ազգային հավաքականի «Կրասնոդարի» կիսապաշտպան Էդուարդ Սպերցյանի և «Ախմատի» պաշտպան Ուսման Նդոնգի միջև Ռուստաստանի Պրեմիեր լիգայի 11-րդ տուրում տեղի ունեցած միջադեպի վերաբերյալ։
Կոմիտեի ղեկավար Արթուր Գրիգորյանցը հայտնել է, որ Նդոնգը ներողություն է խնդրել կատարվածի համար և կոնֆլիկտը հանգուցալուծվել է: Նդոնգը որակազրկվել է 2 խաղով, իսկ Սպերցյանը տուգանվել է 150 հազար ռուբլիով։
Հիշեցնենք, որ «Ախմատի» դեմ Ռուսաստանի Պրեմիեր լիգայի 11-րդ տուրի տնային խաղի 85-րդ րոպեին մրցակցի պաշտպան Ուսման Նդոնգը Հայաստանի ազգային հավաքականի 25-ամյա կիսապաշտպանի ծնոտին հարվածելու համար կարմիր քարտ էր ստացել և հեռացվել խաղադաշտից: Խաղից հետո սենեգալցին Սպերցյանին մեղադրել էր իր նկատմամբ ռասիստական վերաբերմունքի համար:
