Ըմբշամարտի Մ23 ԱԱ․ Ռազմիկ Քուրդյանը՝ արծաթե մեդալակիր

Սերբիայի Նովի Սադ քաղաքում ընթանում է ըմբշամարտի մինչև 23 տարեկանների աշխարհի առաջնությունը։

1-ինը պայքարի մեջ են մտել հունահռոմեական ոճի ըմբիշները։ 

130 կգ քաշային կարգում Հայաստան ներկայացնող Ռազմիկ Քուրդյանը նվաճեց արծաթե մեդալ՝ եզրափակիչ գոտեմարտում զիջեց իրանցի Ֆարդին Շաբան Հեդայաթիին։

Մինչև եզրափակիչ հասնելը հայ ըմբիշը պայքարից դուրս էր թողել բելառուս Իլյա Շումչիկին (4։3), Չեխիան ներկայացնող Արթուր Սարկիսյանին (3։2), ռուս Ալեքսանդր Մելեխովին (5։1)։

Հիշեցնենք, որ ավելի վաղ հայ ըմբիշներից պայքարն ավարտել էին 55 կգ քաշային Արայիկ Թոփալյանը, 63 կգ քաշային Դավիթ Ջոտյանը, 67 կգ քաշային Ռուբեն Միրանյանը, 77 կգ քաշային Սամվել Տերտերյանը, 87 կգ քաշային Ռուբեն Գևորգյանը։

Բրոնզե մեդալի համար կպայքարեն 72 կգ քաշային Գասպար Տերտերյանն ու 97 կգ քաշային Արշակ Գեղամյանը։

Վաղը պայքարի մեջ կմտնեն 60 կգ քաշային Սուրեն Աղաջանյանն ու 82 կգ քաշային Յուրիկ Պետրոսյանը։